monumenta.ch > Hrabanus Maurus > csg458.37 > sectio 8 > sectio 20 > sectio 25 > 21 > csg457.23 > sectio 9 > csg458.13 > sectio 40 > sectio 2 > csg458.27 > csg457.24 > sectio 21

Word Selection for Searching

Report an Error in this Sectio     Magnify Greek
Seneca Maior, Controversiae, 10, 4, 21
hanc sententiam LATRO PORCIUS virilius dixit, qui non potest (de) furto suspectus esse; Graecos enim et contemnebat et ignorabat. cum descripsisset debiles artus omnium et alios incurvatos, alios reptantes, adiecit: pro di boni! ab his aliquis alitur integer? DAMAS SCOMBROS dixit: πάλαι μὲν ἐκθέτοις κίνδυνος ἦν τὸ ῥιφῆναι, νῦν δὲ τὸ τραφῆναι. hunc sensum CESTIUS transtulit: effecisti, inquit, ut maius esset periculum educari quam exponi. FUSCUS ARELLIUS aliter dixit: illa adhuc in miserae sortis infantia timebantur: ferae serpentesque et inimicus teneris artubus rigor et inopia; inter expositorum pericula non numerabamus educatorem.